नमोबुद्ध गोलीकाण्ड फलोअप : राति साढे १० बजे नै पाठकको ज्यान गएको प्रहरीद्वारा पुष्टि
- काभ्रे ।
नमोबुद्धमा शनिबार साझ भएको गोलीकाण्डमा घाइते भएका स्थानीय माओवादी केन्द्रका कार्यकर्ता नबराज पाठकको शनिबार राति १० बजे नै मृत्यु भइसकेको पुष्टी भएको छ ।
इमान्दार मिडियासँग कुरा गर्दै जिल्ला प्रहरी कार्यालय काभ्रेका डिएसपी नबिन राइले शनिबार राती नै पाठको मृत्यु भएको पुष्टी गरेका छन्।
सिबिलमा आएका २ जनाको अज्ञात समुहले माओवादी केन्द्रका एक स्थानीय कार्यकर्ता पाठकमाथि गोली हाने लगत्तै आएको सशस्त्र पहरीले उनलाई धुलिखेल अस्पताल लिएर गएको थियो।
उक्त वडामा अहिलेसम्म मतदान हुन् सकेको छैन। पाठक हत्याकाण्डपछि नमोबुद्धमा स्थानीयहरू मतदान केन्द्रमा सहभागी भएका छैनन् ।
सम्भबत मतदान स्थगित हुन् सक्ने माओवादी केन्द्रका पोलिटब्युरो सदस्य सूर्यमान तामाङ्ले बताएका छन्।
२०७४ बैशाख ३१ गते प्रकाशित
