वुथ कब्जा गर्ने एमाले कार्यकर्ताहरुलाई दोलखामा जनताले यसरि लखेटे
- दोलखा ।
दोलखाको वैतेश्वर गाउँपालिकाको पुतलीकाठ मतदान केन्द्रमा वुथ कव्जा गरेका एमालेका कार्यकर्ता र गुण्डाहरुलाई स्थानिय जनता र मतदान गर्न गएका मतदाताहरुले प्रतिकार गरि भगाइदिएका छन्। प्रहरीले समेत वुथ कब्जा गर्नेहहरुलाई भगाउन ४ रायण्ड हवाइ फायर गरेको छ।
स्थानियले हतियारधारीहरुसँग प्रतिकार गर्दा केहि हतियारधारी र केहि स्थानिय घाइते भएका छन्। प्रतिकारका क्रममा एमाले कार्यकर्ताले काँग्रेस कार्यकर्तामाथि खुकुरी प्रहार गरेका छन् । जसमा ४ जना घाइते भएका छन् । उनीहरुलाई उपचारका लागि चरिकोट लगिएको स्थानिय पत्रकार लाल कुमार तामाङले जानकारी दिएका छन्।
बैतेश्वर गाउँपालिकाको गैरीमुदीमा पनि एमाले कार्यकर्ताले काँग्रेस कार्यकर्तामाथि अन्धाधुन्ध खुकुरी प्रहार गर्दा चार जना घाइते भएका छन् । उनीहरुको टाउको हात र खुट्टामा चोट रहेको छ। जीवन तामाङको टाउकोमा खुकुरी हानिएको छ भने लाल बादुर तामाङमाथि पनि खुकुरी हानिएको छ। किरन तामाङ र पर्शुराम तामाङको खुट्टा भाँचिएको छ ।
त्यस्तै झुलेमा एमाले कार्यकर्ताले मतदान गर्न घरबाट निस्केका अच्यूत कार्कीमाथि मतदान केन्द्र पुग्नु अघीनै एमाले कार्यकर्ताले खुकुरी प्रहार गरेका छन् ।
२०७४ बैसाख ३१ मा प्रकाशित ।
