अभिनेत्री करिष्माका पतिले दोस्रो विवाह गरे
करिष्मा कपूरका पूर्व पति संजय कपूरले प्रिया सचदेवासँग विवाह गरेका छन् । संजयपछि अब करिष्माका प्रेमी संदीप तोसनीवालकी श्रीमती आश्रितासँग सम्बन्धविच्छेदका लागि तयार भएको खबर सार्वजनिक हुन थालेको छ ।
यस्तोमा अब चाँडै नै करिष्मा– संदीप चाँडै नै आफ्नो सम्बन्धलाई विवाहमा परिणत गर्नसक्ने कयास लगाइएको छ ।
संदीपकी श्रीमती आश्रिता उनलाई सम्बन्धविच्छेद दिनका लागि तयार भएकी छिन् । यसका लागि आश्रिता सुरुमा तयार थिइनन् ।
पहिला आश्रिताले एलमुनीको रुपमा प्रत्येक महिना ८ लाख भारुको माग गरिरहेकी थिइन् । तर अब दुई पार्टीबिच अन्ततः कुरा मिलेको बताइएको छ ।
आश्रितालाई दुई करोड भारु र दुई छोरीहरुका लागि तीन–तीन करोडको लम्प–सम अमाउन्ट दिइने बताइएको छ । छोरीहरुको कस्टडी आश्रितासँगै हुनेछ । दिल्लीको जुन घरमा उनी दुई सन्तानसँगै बसिरहेकी छिन्, त्यो पनि उनले नै पाउनेछिन् ।
संदीप र आश्रिताको विवाह सन् २००३ मा भएको थियो । दुबैका दुई छोरीहरु छन् । जेठी ११ वर्षकी र कान्छी ६ वर्षकी छिन् । करिष्मा र संजय कपुरको विवाह पनि सन् २००३ मा भएको थियो भने सम्बन्धविच्छेद सन् २०१६ मा । यो जोडीका पनि दुई सन्तान छन् ।
– एजेन्सी
