‘सायद–२’को वर्ल्ड प्रिमियर जापानमा, निर्माता र अभिनेता जापानतिर
असार ३० गतेलाई नेपाल प्रदर्शन मिति तय गरिएको फिल्मको जापानको टोकियोमा भव्य प्रिमियर हुने निर्माता रावलले बताए ।
निर्माता रावल र अभिनेता श्रेष्ठसँगै सन्चारकर्मीद्वय श्याम अर्याल र सचित खड्का त्यसतर्फ प्रस्थान गरेका हुन् ।
जापानमा बस्दै आएका ईश्वर श्रेष्ठ र सुवास लामिछानेले वर्ल्ड प्रिमियरको चाँजोपाँजो मिलाएका हुन् । श्रेष्ठ र लामिछानेले फिल्मको लगानीमा पनि साझेदारी गरेका छन् ।
मे १४ अर्थात् वैशाख ३१ गते जापानी समयअनुसार साँझ साढे ५ बजे टोकियोस्थित नकानो जेरो हलमा ‘सायद २’ को प्रिमियर हुनेछ ।
जहाँ नेपालबाट गएको टोलीले उपस्थिति जनाउने छ । टोलीले जापानी दर्शकसँग बसेर फिल्म हेर्नेछ ।फिल्मलाई पुष्पराज न्यौपानेले निर्देशन गरेका हुन् ।
दुर्गिस फिल्मस्को व्यानरमा बनेको यो फिल्ममा सुशीलसँगै स्यारोन श्रेष्ठ, अमृत ढुंगाना, कुशल पाण्डे, सुनील
रावल, सुशील सिटौला, निशा कार्की, रुबिना श्रेष्ठ, बुद्धिलाल मगरलगायतको अभिनय रहेको छ ।
